Sámi logut muitalit / Saemien låhkoeh soptsestieh lea akte fïerhtenjaepien bæjhkoehtimmie lahtestamme saemien statistihken bïjre gelline ovmessie faagesuerkine. Bæjhkoehtimmie lea akte gille bæjhkoehtimmijste mij aktem vijries jïh bijjemes bijjieguvviem vadta gelliej faagesuerkiej bijjeli mah leah joekoen sjyöhtehke dejtie mah daajroem saemien tsiehkiej bïjre daarpesjieh. Menyjesne åelkiesbielesne gaavnh mah tjaalegh mah leah bæjhkoehtamme daan raajan.

Saemien låhkoeh soptsestieh redigeradamme sjidtieh Faageles analyjsedåehkeste saemien statistihkese maam tjïelte- jïh orrestimmiedepartemeente nammohte Saemiedigkine ektine akten boelhkese mij njieljie jaepieh ryöhkoe.

Kevin Johansen, Fylhkenålmeste Nordlaantesne lea analyjsedåehkien åvtehke jïh doh jeatjah lïhtsegh leah Snefrid Møllersen Healsoe Finnmaarhkeste, Torkel Rasmussen Saemien jïlleskuvleste, Julie Aslaksen Statistisk Sentralbyråste jïh Per Tovmo NTNU:ste.

Yngve Johansen lea analyjsedåehkien tjaelije jïh gåarede gyhtjelassh, lahtestimmieh jïh raerieh saemien statistihken bïjre seedtedh e-påastese diekie: Yngve.Johansen@samiskhs.no.