Rappårttårájddo Sámi logut muitalit / Sáme tálla subtsasti / Samiske tall forteller la sáme statistihkka duon dán tiemá birra mav lip kommentierim. Jahkásasj rappårtå hiehpi gájkajda gudi dárbahi sáme vidjurij birra diehtet. Fállotjuokka ALMODUSÁ baktu gávna divna almodimijt ja aktugasj artihkkalijt ma dán rádjáj li almoduvvam.

Sáme statistihka fágalasj analijsajuogos /Faglig analysegruppe for samisk statistikk biedjá aktij rappårtåjt. Sámedigge ja dallusj Barggo- ja sebrudahttemdepartemænnta dáv juohkusav aktan ásadin jagen 2007. Ådåstuhtedum diedo analijssajuohkusa ulmme ja njuolgadusá gávnnuji Suohkan- ja guovllodepartementa næhttabielen (sváldas).

Dán nielje jage ájggudagán (2022-2026) la da vihtta institusjåvnå tjuovvovasj ájrrasijt nammadam;

  • Sáme allaskåvllå: Inger Marie Gaup Eira, vuostasjamanuænssa (sadjásasj: Line Aimee Kalak, allaskåvllålektåvrrå)
  • Nuortta universitiehtta: Lars Kirkhusmo Pharo, professåvrrå ja prodekádna FOU (sadjásasj: Asbjørn Kolberg, dutke)
  • UiT Vuona arktalasj universitiehtta: Eva Josefsen, professåvrrå (sadjásasj: Jan-Erik Henriksen, dosænnta)
  • Statistisk sentralbyrå (SSB): Christian Molstad, rádevadde (sadjásasj: Anders Sønstebø, ahkep rádevadde)
  • Oslo Met – stuorrastádauniversitiehtta: Cato Christensen, vuostasjamanuænssa (sadjásasj: Mona Myran, kontåvrråoajvve)

Guovte jage ájggudahkaj 2022-2024 la stivrra válljim Inger Marie Gaup Eira jådediddjen ja Lars Kirkhus Pharo nubbejådediddjen.

Dåjmadahka, mij vásstet analijssajuohkusa praktihkalasj bargo ja hiebadallama åvdås la Sáme allaskåvlån ja dåppe barggi Inger Anne Anne Siri Triumf, Mai-Lis Eira ja Sara Marit Ravdna O. Skum.

Guládallamdiedo: